الأب : سماعين ..... ولك سماعين يا غضيب الوالدين .....
سماعين : أيش يابا .... ليكون بدك أشي؟
الأب : لأ يابا يا حبيبي ...... بعمل صولفيج لصوتي ...... تع لهون يا ابن الشلب
سماعين : تحرقش دمك يابا .... هيني جاي
ويهرول سماعين عبر الحوش بسرعة ......نعم يابا
الأب : جعم إلي يجعمك ....... إلي ساعة بنادي عليك ..... روح دور عالبربيش الاحمر اللي بنسلك
فيه بالوعة الحمام .....
سمعاعين :أففففففف ..... لحقت تنسد البلوعة يابا ....... مليش يومين مسلك اللي خلفها
الأب : انقلع خلصني .... سلكها لأسلكك من هالدنيا
سماعين : يابا بتعرف شو يعني أسلك البلوعه .....
الأب : غرد يا بلبل .... سمعني
سماعين : يعني .... ألبس كياس زبالة بايدي ورجلي زي باتمان .... و أجيب
البربيش ..... وادحشو بالجورة ..... و أعطيها ميه سخنة ......
لتطق ايدي و أنا بدز بهالبربش .
الأب : طيب
سماعين : ويا ريتها بتفتح ...... الاشي الوحيد اللي بفتح هو ريحة الخر ....دل اللي جواتها
الأب : اختصر يا بغل ..... طالع غبي لأمك الله يحرقها وين ماكانت
سماعين : بالمشرمحي يابا هاي الشغلة بتهد الحيل وبتقل القيمه و بتشل البخت
وكل ما تطلبها مني بتنسد نفسي و ما باكل ليومين فاااااااااااااااااا لاقيلك حل تاني ياحج
الأب : ليش هو ما في غيرك بالضاحية بسلك بالوعة الحمام
سماعين :بعرف يابا انو كل الضاحية بتسلك بواليع بس أنا طالب جامعي وبدرس ( اي طي )
الأب : ( اي طي ييييير ) من هون الله يغضب عليك
سماعين : تعصبش يابا ...... ترى اذا غصبتني على هالشغلة ... بدير كاز الببور عراسي
وبعطيها عود .
الأب : من ايمتى بتدق عود يا جحيش .... ما علينا .... عندي حل ثاني يا هموله
سماعين : قول يابا
الأب: روح هسه فتشلي على أبو يسري بيك الطقيعة ( نائب الضاحية ) خلنا نشكيلو همنا
.... بلكي لاقالنا حل لهالوضع
سماعين يائسا : قولتلي شو لون البربيش يابا ؟؟؟؟
__________________
الثلاثاء نوفمبر 10, 2009 4:48 pm
