ول على حظي انااااااااااااااااااااااااااااااااااا

ول على حظي بس

بروح افتح الثلاجة اخر الليل اشوف اشي اتسممه , بطلع علبة اللبنة وصحن الزيت والزعتر وبحط صحن حلاوة
بفتح الفريزر بلاقي رغيفين خبز بس , بقدرش اوكلهم عشان اخواتي الصبح بدهم سندويشات على المدرسة .

بعمل كاسة قهوة او شاي وبقول يا هادي وبطلع على الشارع عشان اطلع بالباص على مجمع رغدان , بتصير معي حالتين
اما وانا طالع من البيت بلمح الباص من بعيد وبضطر اكب الكاسة اللي بايدي واعطيها ركاض عشان الحق الباص .
أو ما بلحقه وبقعد على الرصيف وبخلص بكيت دخان وانا
بستنى واشي اكيد بتأخر على الشغل , وعالحالتين خسران ( اما القهوة او بكيت
دخان )

طبعا مسلسل البنات اللي بشوفهم على الصبح وهما رايحين على الجامعه ما بيخلص
كرنفال من المشمر والمخمر والمحمر , بطلع فيها نظرة
خاطفة بقول يمكن يصير حب من اول نظرة , بتوخذ هي صورة كاملة الي وبتعمللها
تحليل بمخها وبتطلع النتائج واحد ماسك كاسة قهوة وبيدخن وقاعد على الرصيف
بيستنى الباص ,,, أكيــد حفرتلي وانا بدي طالب جامعه متكتك وحاطط واكس ,
بتختفي النظرة وبرجع بطلع بكاسة القهوة .

بقعد في الباص وبقول اكمل نومتي بيطلعلي واحد معو تلفون n3872 وحاطلي يابنت الاخص , يلعن انا شو رومنسي على صباح اللي خلفك .

بوصل المجمع وبطلع بالسرفيس , الشفير حاطلك على الوكيل او امن اف ام او حياة اف ام ,
نفسي واحد يتصل يحكي انا حابب اصبح عليكم وعلى الوطن ,
كلو مشاكل بمشاكل , وشكاوي على المؤوسسات واصحاب الكروش والروس الكبيرة ,
بنسم بدني .

بقضي طول اليوم وانا اجلي الكاسات
ورا ضيوف المحل , واروح اجيب القطعة الفلانية من هون وافك واركب , وبيجيك
زبون بيقرفك عيشتك , وبيحسسك انو لو ما شرى من عندك رح تسكر وتفتح بسطة
جرابات .

بروح على البيت وبحط على التلفزيون
بلاقي سيدنا اوباما بيحكي كلمتين , بسلخه ( طووووووووووط ) وبيطلعلك مسؤول
عربي يندد بالاستطيان وتهويد القدس , ويطلب من اسرائيل بايقاف الاستيطان ,
بسلخه برضو بس على شكل مقطوعه موسيقية ( طوووط , طوووووط , طوط ,
طوووووووووووووووووط )

على فكرة ,,, اللي قال الحياة حلوة بدي اترفش ببطنه

ااااااااااااااااااه

بسيطة بسيطة بتهوووووووووووووون

ولا تزعل من اشي فش اشي بستاهل فهالدنيا نزعل عليه

مشكوووووور