الكاميرا الخفية

يا اعزائي مين فينا ما عمل مقلب وهو صغير بالعالم ومين منا ما اكل قتلات
لجلدو صار اقسى من جلد التمساح من ورا المصايب الي كان يعملها..المهم ما
بدي اطول عليكم ،،

في يوم كنت انا وصاحبي قاعدين بساحة العمارة وقاعدين نحش بالعالم (طبع
بالبشر ولا يعني بنشتريها شراية )..وبعد ماقلنا هاد اشترى وهاد انطرد من
المدرسة وهاد ابوه جابلو بسكليت وهاد خاله اتجوز مرت خاله ..خلصوا الناس
الي بنحش فيهم ... لسة الزهق مخيم فوق روسنا وقاعدين نفكر بشيئ مُسلي
ومفيد نعملو
ولا توقع تحت ايدينا مجلة فتحنا المجلة وقعدنا ندور على الكلمات المتقاطعة
..انا كان بدي كلمة السر ..واحنا بندور لقينا صفحة زواج ..هاذي الي بكون
فيها ناس حاطة معلومات عن حالها وبدهم يتزوجوا ومش مخلين معلومة عن حالهم
من هم صغار لحد ما كبروا الا وحاطينها في المجلة ...
قرأنا العريس الأول: الأسم غاز سام اوعك تقرب
..فلبينية تطلب زوج ووظيفة بنفس الوقت.. ....الخ ،،، ولا نشوف اسم بنت
الجيران الي عنا بالبناية فلانة الفلانة ولا صاحبي بيحكي مش هاذي بنت
جيرانا قلتلو ااه ..اطلعنا على بعض تطليعة ما بنطلعها غير لما بدنا نعمل
مصيبة ...بيحكيلي شو رايك ...قلتلو هي المنيحة بدها سؤال لازم نفرحهم
للجماعة ...
ولا رحنا ندق على باب الجيران طلعتلنا امها وبتحكيلنا خير يا شطار شو عندك
انتا وياه؟؟ حكينا لا والله كل خير ان شاء الله بس هاد في زلمة كان معاه
هاذي المجلة وصار يسأل عنكم ...وهي بتحكي طيب وشو صار ..انا قلتلها
حكينالو هذول ناس اوادم وولاد حلال ولو لفيت البلد كلها مارح تلاقي زيهم
...
ولا هي بتحكيلنا كتر خيركم يا حبايبي ودخلت جابتلنا شكلاتة ورجعت قالت
هاذي الشكلاتة الكم يا حبايبي ... دخلت على البيت ولا نسمعلكم صوت زغاريد
عبت الحارة كلها وانا وصاحبي ميتين ضحك ...وحطوا اغنية (زفوا العروس زفوها
على الورد مشوها....)
وواحد معدي بيحكيلنا خير شو صاير ..بنحكيلو عقبال عندكم دار فلان الفلاني اجالهم عريس وهو ما كذب خبر وراح يبارك ...

بنفس اليوم صابني تأنيب الضمير كل الحارة عرفت انو دار ابو فلان اجى عريس
لبنتو .. بحكي لصاحبي ولك مش حركة والله الي عملناها هادي ..هو بيحكيلي
فكرك هيك قلتلو انتا شو شايف بيحكيلي طيب شو بدنا نحكيلهم ...قلتلو تيجي
نحكيلهم انو هاذي كاميرا خفية وانو كل الي صار كانت لعب ...بيحكيلي يلا
نروح طيب دقينا الباب وطلعتلنا الأم بتحكيلنا خير يا حلوين يا شطار شو في
بدكم كمان شكلاتة ..انا: لاشكرا مش عشان هيك جايين ..هي ولا عشان شو
احكوا؟؟

صاحبي من النوع الي بيدج الحكي دج ...بيحكيلها خالتو العريس الي حكينالكم
عنو كان كلو مقلب وكان بدنا نمزح معاكم ...لو حابة نزيع حنزع ولو مش حابة
ما رح نزيع وقعدنا نغني اللقطات الي شوفتوها كُلها طبيعية ...
واحنا بعز الأغنية نلاقي كف مزدوج واصلني انا وياها
طبعا المواقف الي زي هيك بنستخدم الخطة 1 وهي خطة من الدرجة الأولى الا وهي الجري نص المرجلة اركد يلي بتركد
بطلع وراي ونا بركد امة لا اله الا الله بتلحق فينا ...تقولوا لو بدهم يجاهدوا مش هيك
المهم ضلينا نركد لرحنا اتخبينا في عمارة برا الحارة ...والحمدلله ما
اتمسكنا بس طبعا الأخبار وصلت للأهل وعينكم ما تشوف الا الضو لما وصلنا
على البيت شو صار فينا بلاش ما نكمل لهون تخيلوها احسن ....

خطيييييييييييييييييير
مجانين حرام عليكم
الله يستر عليكم من الطفش والزهق ولا الدنيا بتخرب منكم

هاهاهاهاهاهاهاهاهاها

هههههههههههههههه
حرام عليكوا كده شوفتوا انتوا عملتوا لهم فرحه كيره وبعدين تطلع ضحكده حراااااااااااااااااااام

بالعكس المفلب تحفة بس صعب بس مو كتيرر
بس شو صار بالبنت لما عرفت انو مقلب
حدا فيكو بيتجوزها
هههههههههههههههههههههههههههههههههههههه
بس مقلب جميل ميرسى

هههههههههههههههههههههه

والله انك شخص خطير

الله لا يوقع حدا بايدك انت وصاحبك

ههههههههههههههههههههه

ياحرامك من الله

هههههههههههههههههههههههه

ههههههههههههههه الله يسامحكم منورين

بس ما جاوبتش شو صار بابنت لما عرفت انو مقلب ولا معرفتش اللى صار فيها

امبييييييييييه
حراااام عليكم والله
مجانييييييييييييييين !!!!!!
تخيل موقف البنت
المفرووض تتعاقبوا
LOOOOL

ههههههههههههههههههههههههههههههههه ما بعرف ردة فعلها ولا شو صار فيها انو قللها تصدقنا هههههههههههه ليش الناس بس تتزوج بتعطي خبر للاولاد الصغار لالا فش عقاب عادي

بعد ماكو عقاااب لا المفروووض تتعاقبوا

انتى عارفة ايه هو العقاب
انو واحد فيهم يتجوز البنت دى ولا ايه رايكم
هههههههههه

انتو تحفة بجد الكاميرا الخفية 434280