بنتابع قصص المدرسه ااااااااااه,, الله يرحم هذيك الايام
بدي ارجع على المدرسه
المهم
هاي مره يا اخوان والكلام للجميع ,,
ايام الصف العاشر كنا كالعاده قاعدين بحصه العربي الي هيه بتيجي الحصه الثالثه يعني بعديها فرصه,,وانا قرفاااان بدي الاستاذ يخلص لانوا نقر راسي نقر وهو نازل شكونه و شو هل عيشه وشو هل قرف,,طيب احنا شو دخلنا تقرفنا معك بمشاكلك كل حصه على هل حكي ,,
المهم ما كنت مسدق والحصه تخلص,,, وفجأه رن الجرس
انا طرت من الفرحه وما سدقت انها خلصت
انقلع الاستاذ من الصف وبلشوا الطلاب يطلعوا على الفرصه ,, انا بجهز حالي بدي اطلع ولا دمعه((صاحبي الي قاعد بجنبي لقبوا دمعه انا حكيت عنو في القصه الي قبل هاي,, وبعدين بدي اضلني اعيد )) بقولي: شو رايك انضلنا قاعدين بالصف
قلتلو:يا زلمه محنا قرفنا من ام الصف خلينا نطلع انشم هوا
قالي: لا بصراحه انا بدي ادخن
قلتلوا: ااااه ,, قولي من قبل انوا هيك الموضوع
اجا ابو السيم ((طبعا هاظ مش صاحبي صاحبي بس انوا كنت بعرفوا كان معنا بالصف طبعا دواوين من الدرجه الاولى يعني كفاءه ماشالله خرج العديد من الاجيال ويحمل الكثير من شهادات التفوق في فن الديونه وطبعا معا جميع انواع المواس والشفرات )) ,,
ابو السيم: شو بدكوا تقعدوا ادخنوا صح
دمعه : اااه,اعطيني قداحه
انا الحمدلله ما بدخن بس ما بنكر اني ما اخذتلي عشر طعشر سحبه من السيجاره يعني بختصار كنت اعفط بس الحمدلله ما اتعودت عليه وبطلت اعفط من مره
صرت ادخن رسمي
لا بمزح بصراحه كنت بأيام الجاهليه اعفط و بطلت
نرجع ,,
المهم وقفوا الشباب عند الشباك عشان ريحه الدخان ما تضل بالصف ,,
(( طبعا هما بدخنوا بالصف لانوا متأكدين انوا الاساتذه مستحيل يجوا على الصف وقت الفرصه لانهم بكونوا قاعدين بالساحه مع بعض ))
المهم والشباب قاعده بتشفط من هالدخان فجأه ,,
انفتح الباب !!!
انفتح الباب !!!
طلع واحد انا اول مره اشوفوا بالمدرسه !! ولا هو بلش يصرخ : شو بتعمل انت وياه هون ليش قاعدين بالصف يا كلب انت وياه
طبعا احنا قعدنا نطلع هيك قلتلوا :شو ما لك عمو ما اسمعت شو حكيت ؟؟؟؟
ابو السيم: مين انت الي تحكي معي هيك والله لا *&%##^$#^
هو صار يحكي : انا..
قاطعوا ابو السيم وقال : انت ابن ^%&^$#%^%$^%$^ تعال جاي
وسكرنا الباب ودخلنا جوا وبلشنا ندبك عليه دبك وين الجمب الي بوجعك
واضرب اضرب ما اعطينا فرصه يصرخ مش ملحق المسكين كفوف على شلاليط
طبعا بعد ما اكل الي في النصيب قام وصار يحكي انا بورجيكوا ولكوا انا استاذ جديد اجيت اليوم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!: eek:
قالوا ابو السيم : كذاب انت شكلك شكل استاذ
صار يحكي: طيب بنتقابل عند المدير
(( عاد هو جد والله مش مبين استاذ يعني في عنا طلاب في التوجيهي ببينوا اكبر منو احنا فكرنا طالب توجيهي ))
المهم بلشت الحصه الرابعه واحنا قاعدين بالصف ماشالله علينا طلاب مجتهدين
بعد 10 دقايق وانوا الباب بدق انفتح الباب وانوا المساعد كان بدوا يلقي القبض علينا وكان بجنبوا الاستاذ
فأخذنا ونزلنا عند المدير ,, وطبعا اكيد المدير استقبلنا بالاحضان وقعدنا عندوا وطلب النا فنجان قهوه
اول ما فتنا على المدير: ولك شو الي عملتوا انت وياه وكان معا عصايه عليم الله انوا طولها مترين
فقلنالوا: والله ما كنا نعرف وفكرنا طالب
المدير اطلع عليه ,,
المدير اطلع عليه ,,
(( طبعا حسيتوا جد عذرنا لانوا والله مش مبين استاذ ))
قال المدير: احححم ....... طيب تعال جاي انتا ويا
سلخنا كل واحد عصاتين على الماشي وطلعنا على الصف
اطلعنا من عندوا وحنا مغيبين من الضحك
جد ما عمري شفت اسقط من هيك استاذ
وطلعنا على الصف وعشنا بسعاده وهناء
وتوته توته خلصت الحتوته
ودمتم سالمين
بي اس : طبعا الاستاذ ما كمل يومين بالمدرسه وطلع والله اعلم وين راح عاد كل الطلاب كانوا يعاملوا بأحترام مش عارف ليش طلع
_
الأربعاء أغسطس 19, 2009 6:45 pm
